Не званочак,
А звініць.
Ног не мае,
А бяжыць.
Як гарэза,
Скок ды скок:
Ён вясёлы... (Ручаёк)
∗∗∗∗∗∗∗∗∗∗∗∗∗∗∗∗
Дужкі за вушкі,
Два шкельцы на твары.
Нарэшце бабуля знайшла… (Акуляры)
∗∗∗∗∗∗∗∗∗∗∗∗∗∗∗∗
Ён над вуліцай сядзіць,
Ён на вуліцу глядзіць.
Як зялёным заміргае -
Пераходзіць дазваляе,
Жоўты - знак перасцярогі,
Уцякай хутчэй з дарогі.
А чырвоны загарыцца -
Трэба тут жа прыпыніцца. (Светафор)
∗∗∗∗∗∗∗∗∗∗∗∗∗∗∗∗
Угару задраўшы нос,
Ён сапе, як паравоз.
Да яго не падступіцца,
Бо шыпіць, хоць і маўчальнік.
А папросііш - дасць напіцца.
Хто ж усё-ткі гэта? (Чайнік)
∗∗∗∗∗∗∗∗∗∗∗∗∗∗∗∗
Па пакоі ходзіць робат -
У яго гумовы хобат.
І з усіх гырчыць ён сіл,
І глытае ўсюды пыл,
Суне ўсюды доўгі нос.
А завецца ... (Пыласос)
∗∗∗∗∗∗∗∗∗∗∗∗∗∗∗∗
Улетку адпачываюць,
А ўзімку дзяцей катаюць. (Санкі)
∗∗∗∗∗∗∗∗∗∗∗∗∗∗∗∗
Гуляе ў полі, а не конь,
Лётае на волі, а не птушка. (Вецер)
∗∗∗∗∗∗∗∗∗∗∗∗∗∗∗∗
Удзень у небе гуляе,
А ўначы на зямлю сядае. (Сонца)
∗∗∗∗∗∗∗∗∗∗∗∗∗∗∗∗
Хатку, поўную грыбоў, шышак і арэхаў горку
У чаканні халадоў назапасіла … (Вавёрка)
∗∗∗∗∗∗∗∗∗∗∗∗∗∗∗∗
Шар пастаўлены на шар,
Нос чырвоны на ўвесь твар,
Рот і вочы – вугалькі.
Адгадайце, хто такі? (Снегавік)